2026-mi juulimi aalisakkat qaleruallillu tunisat
2026-mi juulimi tunisanut kisitsisit Naatsorsueqqissaartarfimmit matumuuna saqqummersinneqarput. Kisitsisaataasivimmi nalunaarsuutit atorlugit tabelimi kisitsisit takuneqarsinnaapput, kisitsisinilu aalisakkat pingasut ukiut kingulliit tallimat ingerlanerini qaammammi pineqartumi tunisat pineqarput. Eqqumaffigineqassaarli kisitsisit 2025-moortut aamma 2026-moortut suli kisitsisaagallartutut naatsorsuussaammata.
Tulaassineq tassaavoq pisanut atorneqartartoq, piffissamillu pisanik usingiaaviusumik takussutissiisoq, tunisinermili pisat pineqartut qaqugukkut naatsorsuusiorneqarsimaneri aamma tunisatut nalunaarsugaasimaneri uuttortarneqartarput.
Pisanut, tulaassinernut aamma tunisinernut piffissat assigiinngissinnaammata annertussusiisa allanngorarneri tulleriittuaannanngillat.
Taamaattumillu tunisineq aningaasaqarnikkut qanoq ingerlasoqarneranik takussutissiisarpoq, tulaassinerlu aalisarnerup ingerlanneqarnerani pissusiviusunut qaninnerulluni.
Saarulliit, qalerallit kinguppaallu tonsinngorlugit juulimi tunisat, aalisarfiit malillugit
|
Suussuseq |
Aalisarfik |
2022 |
2023 |
2024 |
2025 |
2026 |
|
Saarullik ... |
Sinerissap qanittuani |
7.358 |
13.649 |
12.245 |
10.931 |
17.873 |
|
|
Avataasiorluni |
1.669 |
1.851 |
1.496 |
3.147 |
2.794 |
|
|
Katillugit |
9.027 |
15.500 |
13.741 |
14.078 |
20.667 |
|
Qaleralik ... |
Sinerissap qanittuani |
16.860 |
17.077 |
14.901 |
12.940 |
10.203 |
|
|
Avataasiorluni |
202 |
- |
373 |
3.503 |
2.699 |
|
|
Katillugit |
17.062 |
17.077 |
15.274 |
16.443 |
12.902 |
|
Kinguppaat . |
Sinerissap qanittuani |
18.749 |
22.341 |
18.159 |
18.133 |
15.110 |
|
|
Avataasiorluni |
13.052 |
10.813 |
6.045 |
9.238 |
9.302 |
|
|
Katillugit |
31.801 |
33.154 |
24.204 |
27.371 |
24.412 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit: https://bank.stat.gl/FIN012
2026-mi juuli tikillugu saarulliit tunisat katillugit 20.667 tonsiupput, piffissamilu 2022-miit 2026-mut annertunerpaaffissaminniillutik. Qaffariaat pingaartumik sinerissap qanittuani aalisarnermi tunisanik peqquteqarpoq. Avataasiorlunili aalisarnermit tunisat 2025-miit annikinnerupput.
2026-mi juuli tikillugu qalerallit tunisat ataatsimut katinneri 12.902 tonsinik annertussuseqarput, piffissamilu pineqartumi annikinerpaaffissaminniillutik. Sinerissap qanittuani aalisarnermit tunisineq suli annikilliartorpoq. Avataasiorlunili aalisarnermit tunisineq suli ingerlalluaraluartoq, tamaattoq 2025-mi annertunerungaatsiarsimasumit annikinneruvoq.
2026-mi juuli tikillugu kinguppaat tunisat ataatsimut 24.412 tonsinik anertussuseqarput. 2022-mit, 2023-mit aamma 2025-mit annikinnerupput. Sinerissap qanittuani aalisarnermit tunisat appariarput, avataasiorlunili aalisarnermit tunisat ukiup siulianut sanilliullugit qaffariaateqarlaarlutik.
Juulimi saarullinnik, qaleralinnik kinguppannillu tunisinermi akit, DKK/Kg
Najoqqutaq: Naatsorsueqqissaartarfik – Kisitsisaataasivimmi kisitsisit takukkit: https://bank.stat.gl/FIN012
2026-mi agguaqatigiissillugu saarulliit tunisat kg-mut akiat 2025-mi 9,85 kr-usimasoq annertuumik 13,19 kr.-mut qaffappoq, qaffariaat 44 pct.-iulluni.
Qaleralinnut aki kg-mut 21,41 kr.-miit 25,72 kr.-mut malunnartumik qaffappoq, qaffariaat 20 pct.-iulluni.
Kinguppannut aki 2025-mi kg-mut 11,33 kr.-usimasoq allannguuteqarpallaarani 11,29 kr.-mik annertussuseqarpoq.
Piffissami 2012-imiit 2026-mi juuli tikillugu tunisat annertussusaannnut nalinginillu paasissutissat suussutsiunut, qaammatinut sumiiffinnullu immikkoortiterneqarsimasut Kisitsisaataasivimmmi nassaarineqarsinnaapput.
Saqqummersitsinissaq tulleq 2026-mi aggustimut tunngasoq ulloq 22. oktobari 2016-mi saqqummissaaq.